AI பந்தயத்தில் கூகுளின் ராஜபாட்டை: சறுக்கலிலிருந்து சிகரத்தை நோக்கி!

தொழில்நுட்ப உலகில் மாற்றம் ஒன்றுதான் மாறாதது. சில ஆண்டுகளுக்கு முன்பு வரை, செயற்கை நுண்ணறிவு (Artificial Intelligence – AI) என்றாலே அது Google தான் என்ற நிலை இருந்தது. ஆனால், 2022-ல் OpenAI நிறுவனம் ChatGPT-யை அறிமுகப்படுத்தியபோது, அந்த நிலை தலைகீழாக மாறியது. “கூகுள் பின்தங்கிவிட்டது”, “கூகுளின் காலம் முடிந்துவிட்டது” என்று தொழில்நுட்ப விமர்சகர்கள் எழுதத் தொடங்கினர். ஆனால், இன்று நிலைமை மீண்டும் மாறியிருக்கிறது. ஒரு பீனிக்ஸ் பறவையைப் போல மீண்டு வந்துள்ள கூகுள், தனது Gemini மற்றும் NotebookLM போன்ற கருவிகள் மூலம் தொழில்நுட்ப உலகத்தை மீண்டும் தன் வசப்படுத்தியுள்ளது.

இந்தக் கட்டுரையில் கூகுளின் இந்த வரலாற்றுப் பயணம் மற்றும் அதன் வெற்றிக்கு வித்திட்ட தமிழர் Sundar Pichai-யின் தலைமைத்துவம் பற்றி விரிவாகக் காண்போம்.

1. ஆரம்ப கால சறுக்கல்: Code Red மற்றும் ChatGPT-யின் வருகை

உண்மையில், இன்று உலகம் கொண்டாடும் AI தொழில்நுட்பத்தின் அடிப்படைக்கல்லான  “Transformer” தொழில்நுட்பத்தைக் கண்டுபிடித்ததே கூகுள் தான் (2017-ல்).

ஆனால், அதை ஒரு முழுமையான மென்பொருளாக மாற்றி மக்களிடம் கொண்டு சேர்ப்பதில் கூகுள் சற்று தயக்கம் காட்டியது. காரணம், தவறான தகவல்களை AI கொடுத்துவிடுமோ என்ற பயம்.

இந்த இடைவெளியைப் பயன்படுத்திக்கொண்ட OpenAI, மைக்ரோசாஃப்ட் (Microsoft) நிறுவனத்தின் முதலீட்டுடன் ChatGPT-யை வெளியிட்டது. இது கூகுளுக்கு ஒரு மிகப்பெரிய நெருக்கடியை (Code Red) உருவாக்கியது. கூகுள் அவசர அவசரமாக 2023ம் ஆண்டு மார்ச் மாதம் வெளியிட்ட Bard என்ற AI மென்பொருள், ஆரம்பகட்ட சோதனையில் ஒரு தவறான பதிலைக் கூறியது. இதனால் பெருதும் ஆர்வமுடன் எதிர்பார்க்கப்பட்ட இந்த வெளியீடு, பெரியளவில் எதிர்மறையான விமர்சனங்களை எதிர்கொண்டது. இதனால் கூகுளின் பங்குச் சந்தை மதிப்பு ஒரே நாளில் பல பில்லியன் டாலர்கள் சரிந்தது. அப்போது கூகுள் ஆட்டம் கண்டுவிட்டதாகவே பலர் நினைத்தனர்.

2. சுந்தர் பிச்சையின் வியூகம்: Google DeepMind உருவாக்கம்

இந்த இக்கட்டான சூழலில்தான் Sundar Pichai தனது தலைமைத்துவப் பண்பை நிரூபித்தார். பதற்றப்படாமல், கூகுளுக்குள் இருந்த இரண்டு மிகப்பெரிய AI ஆராய்ச்சிப் பிரிவுகளான Google Brain மற்றும் DeepMindஆகியவற்றை ஒன்றிணைத்து “Google DeepMind” என்ற ஒற்றை சக்திவாய்ந்த அமைப்பை உருவாக்கினார்.

இது ஒரு சாதாரண மாற்றம் அல்ல. உலகின் தலைசிறந்த AI விஞ்ஞானிகளை ஒரே குடையின் கீழ் கொண்டுவந்ததன் மூலம், கூகுளின் ஆராய்ச்சி வேகம் பல மடங்கு அதிகரித்தது.

3. Gemini Era: கூகுளின் பிரம்மாண்டமான மறுபிரவேசம்

கூகுளின் இந்த ஒருங்கிணைந்த முயற்சியின் விளைவாக உருவானதுதான் Gemini. இது வெறும் ChatGPT போன்ற ஒரு Text Bot அல்ல. இது ஒரு Multimodal AI. அதாவது, இதனால் பார்க்க முடியும் (Images), கேட்க முடியும் (Audio), பேச முடியும் மற்றும் வீடியோக்களைப் புரிந்து கொள்ளவும் முடியும்.

கூகுள் தற்போது களமிறக்கியுள்ள மென்பொருட்கள், போட்டியாளர்களை விட ஏன் சிறந்தவை என்பதற்கான காரணங்கள்:

• Gemini 3.0 (The New King): சமீபத்தில் வெளியான Gemini 3.0, முந்தைய 1.5 மாதிரிகளை விடப் பல மடங்கு சக்திவாய்ந்தது. இது மனிதர்களைப் போலவே சிந்திக்கும் திறன் (Reasoning Capabilities) கொண்டது. போட்டியாளர்களின் மாதிரிகள் திணறும் சிக்கலான கணக்குகளையும், அறிவியல் கேள்விகளையும் இது மிகத் துல்லியமாகக் கையாள்கிறது. பல மில்லியன் டோக்கன்களை (Tokens) நினைவில் வைத்துக்கொள்ளும் இதன் திறன், இன்று சந்தையில் இருக்கும் மற்ற எந்த AI மாடலை விடவும் மிக அதிகம்.
• Nano Banana Pro (The Creative Genius): இது கூகுளின் மிகவும் ஆச்சரியமான படைப்புகளில் ஒன்று. இது ஒரு மந்திரக்கோல் போன்றது. உங்கள் மனதில் தோன்றும் கற்பனை எதுவாக இருந்தாலும், அதை வெறும் வார்த்தைகளால் விவரித்தாலே போதும்; கண் இமைக்கும் நேரத்தில் அதை ஒரு தத்ரூபமான படமாக இது மாற்றிவிடும். Adobe Photoshop போன்ற மென்பொருள்களில் பல வருட அனுபவம் வாய்ந்த நிபுணர்களால் கூட செய்ய முடியாத மிகக் கடினமான டிசைன்கள் மற்றும் எடிட்டிங் வேலைகளை, இந்த Nano Banana Pro மிக எளிதாகச் செய்து முடித்துவிடும். உங்களின் கற்பனைக்கு உயிர் கொடுக்கும் கருவி இது.

• NotebookLM (The Knowledge Expert): இணையத்தைக் கலக்கிக்கொண்டிருக்கும் ஒரு அதிசயக் கருவி இது. நீங்கள் ஒரு பெரிய புத்தகத்தையே இதில் பதிவேற்றினாலும், நொடிப்பொழுதில் அதைப் படித்துப் புரிந்து கொள்ளும். குறிப்பாக, அதன் “Audio Overview” வசதி மூலம், இரண்டு நிபுணர்கள் அந்தப் புத்தகத்தைப் பற்றி விவாதிப்பது போல ஒரு ஆடியோவை (Podcast) இது உருவாக்கித் தரும். படிப்பதற்கு நேரமில்லாதவர்களுக்கு இது ஒரு வரப்பிரசாதம்.
• Google AI Studio: மென்பொருள் உருவாக்குநர்களுக்கான (Developers) மிகச் சிறந்த தளம் இது. இதன் மூலம், டெவலப்பர்கள் Gemini 3.0 மற்றும் Nano Banana Pro போன்ற அதிநவீன மாடல்களைப் பயன்படுத்தி, மிக எளிதாகப் புதிய செயலிகளை (Apps) உருவாக்க முடியும். இது போட்டியாளர்களின் தளங்களை விட மிகவும் எளிமையாகவும், விலை குறைவாகவும் இருப்பது இதன் சிறப்பு.
• Veo (The Movie Maker – வீடியோ உருவாக்கும் பிரம்மாண்டம்: இதுவரை வந்த AI கருவிகளால் வெறும் படங்களை (Images) மட்டுமே உருவாக்க முடிந்தது. ஆனால் கூகுளின் Veo(குறிப்பாக Veo 3), உங்கள் கற்பனையை அப்படியே ஒரு திரைப்படமாக மாற்றக்கூடியது.
  • என்ன செய்யும்? நீங்கள் “ஒரு விண்வெளி வீரர் செவ்வாய் கிரகத்தில் நடப்பது போலவும், பின்னணியில் தூசிப் புயல் வீசுவது போலவும் ஒரு வீடியோ வேண்டும்” என்று கேட்டால், அதை 1080p அல்லது 4K துல்லியத்தில் (High Definition) ஒரு வீடியோவாக உருவாக்கிக் கொடுக்கும்.
  • சிறப்பம்சம்: இது வெறும் ஊமைப் படம் அல்ல. வீடியோவில் நடக்கும் காட்சிகளுக்கு ஏற்றவாறு, பின்னணி இசை மற்றும் சத்தங்களையும் (Synchronized Audio) இதுவே தானாக உருவாக்கிக் கொடுக்கும். ஹாலிவுட் இயக்குநர்களுக்கு இணையான கேமரா கோணங்கள் (Cinematic Shots) மற்றும் லைட்டிங் எஃபெக்ட்களை இது புரிந்து கொள்ளும்.

4. கூகுளின் ஆதிக்கத்தை ஏற்றுக்கொண்ட OpenAI சாம் ஆல்ட்மேன் (Sam Altman )

சமீபத்திய அறிக்கைகளின்படி, OpenAI-ன் CEO Sam Altman, தனது நிறுவன ஊழியர்களுடனான கூட்டங்களில், கூகுளின் உள்கட்டமைப்பு (Infrastructure) மற்றும் கம்ப்யூட்டிங் வலிமை (Compute Power) குறித்து கவலை தெரிவித்துள்ளதாகத் தெரிகிறது.

“கூகுள் தற்போது நம்மை விட வேகமாக செயல்படுகிறது, அவர்களிடம் சொந்தமாக TPU (Tensor Processing Units)சிப்கள் உள்ளன, ஆனால் நாம் Nvidia சிப்களை நம்பி இருக்கிறோம்” என்ற ரீதியில் விவாதங்கள் நடந்ததாகக் கூறப்படுகிறது. போட்டியாளரே கூகுளின் மேலிருப்பதை ஒப்புக்கொள்வது, கூகுளின் மீள் வருகைக்குக் கிடைத்த மிகப்பெரிய சான்றிதழ்.

5. சுந்தர் பிச்சை: அமைதியான நதி, ஆழமான வெற்றி

கூகுளின் இந்த அசுர வளர்ச்சியின் மையப்புள்ளி, அதன் CEO Sundar Pichai. தமிழ்நாட்டின் மதுரையில் பிறந்து, சென்னையில் பள்ளிப் படிப்பை முடித்த தமிழர் இவர்.

அவரது வெற்றிக்கான காரணங்கள்:

1. தொலைநோக்குச் சிந்தனை (Visionary): 2016-லேயே, “கூகுள் இனி ஒரு Mobile-First நிறுவனம் அல்ல, இது ஒரு AI-First நிறுவனம்” என்று அறிவித்தார். அதற்கான விதையை அன்றே விதைத்ததால்தான், இன்று கூகுளால் இவ்வளவு பெரிய கனிகளைப் பறிக்க முடிகிறது.
2. அமைதி (Composure): ChatGPT வந்தபோது உலகம் கூகுளை எள்ளி நகையாடியது. ஆனால் சுந்தர் பிச்சை அமைதியாக இருந்தார். “AI என்பது 100 மீட்டர் ஓட்டப்பந்தயம் அல்ல, அது ஒரு மாரத்தான்” என்று அவர் நம்பினார். அவசரப்பட்டு தரமற்ற பொருட்களை வெளியிடுவதை விட, தாமதமானாலும் தரமான தொழில்நுட்பத்தை (Responsible AI) வெளியிடுவதில் உறுதியாக இருந்தார்.
3. அனைவரையும் அரவணைத்தல்: ஒரு மென்பொருள் பொறியாளராக இருந்து, இன்று உலகின் மிகப்பெரிய நிறுவனத்தை வழிநடத்தும் அவரது பயணம், தமிழ்க் கலாச்சாரத்தின் பணிவு மற்றும் கடின உழைப்புக்கு ஒரு சான்றாகும்.

சில சறுக்கல்கள் வந்தாலும், கூகுள் மீண்டும் தனது அரியணையைத் தக்கவைத்துக் கொண்டுள்ளது. Gemini, Nano Banana , AI Studio, மற்றும் NotebookLM போன்ற கருவிகள் மூலம் கூகுள் தனது தொழில்நுட்ப வலிமையை நிரூபித்துள்ளது. ஒரு தமிழராக, சுந்தர் பிச்சையின் தலைமையில் கூகுள் அடையும் இந்த வெற்றிகள் நமக்கும் பெருமையே.